सरोकारवाला निकाय सँग संयुक्त अनुगमन
Please follow & like us :)
Jan 6, 2025
मिति २०८१ साल पौष १२ गतेका दिन “महिला परिवारलाई सुरक्षित आवास मार्फत सुदृढिकरण परियोजना” (SWFH) द्धारा निर्माण भएका घरको गृह प्रबेश, हस्तान्तरण तथा परियोजनाको अनुगमन र अबलोकन कार्यक्रम सम्पन्न भएको छ ।
जिल्ला समन्वय समितिका प्रमुख, नित्यानन्द शर्मा, गढवा गा.पा.का अध्यक्ष र सरोकारवाला निकाय सहित गढवा गा.पा. वार्ड नम्बर ३ खैरामा निर्माण भएको सरिता चौधरीको घरको गृह प्रबेश तथा घर हस्तान्तरण गरेको थियो । यसैगरी गढवा गा.पा. ५ बाँकीमा निर्माण भएको दिशु चौधरीको घरको गृह प्रबेश तथा हस्तान्तरण गरेको थियो भने अन्य २ घरहरु गढवा गा.पा. ५ लालपुरमा निर्माण भएको श्यामकुमारी चौधरी र वार्ड नंम्बर ६ आँटीपाकरमा निर्माण भएको मायादेबी चौधरीको घरको अबलोकन तथा अनुगमन गरेको थियो ।
गृह प्रबेश तथा घर हस्तान्तरण कार्यक्रममा बोल्दै जिल्ला समन्वय समितिका प्रमुख नित्यानन्द शर्माले समुदायमा पुण्यको काम गरेको भन्दै ग्रामीण महिला उत्थान केन्द्र लाई धन्यबाद दिनुभएको थियो । घरबारबिहिन, बेसहारा, एकल महिलाहरुका लागि संस्थाले ल्याएको प्रस्तावमा पालिकाले पनि अपनत्व महशुस गर्दै साझेदारीमा काम गर्नुले यस्को अतुलनिय प्रभाव देखिएको पनि बताउनुभयो ।
६ लाख ७८ हजारमा निर्माण भएको २ कोठाको भुकम्प प्रतिरोधात्मक घर साथमा चर्पी निर्माण गरिदिएपछि एकल महिला तथा बालबालिकाहरुलाई सुरक्षीत साथ जिबन बिताउन सहज हुने भन्दै ति महिलाहरुलाई आयआर्जनमा जोड्नका लागि संस्था र पालिकालाई फेरिपनि भुमिका निर्वाह गर्नका लागि अनुरोध गर्नुभएको थियो । संस्थाले महिलाहरुको आत्मनिर्भरता र शसक्तीकरणका क्षेत्रमा काम गर्दै आएको बताउदै आगामी दिनमा पनि अझ धेरै महिलाहरुको आँशु पुछनका लागि सहारा बन्न र घरबारबिहिनलाई घर निर्माणमा सहयोग गर्न अनुरोध गर्नुभएको थियो ।
प्रमुख प्रशासकिय अधिकृत कृष्ण पौड्ेलले एकल महिला, १६ बर्ष मुनिका बालबालिका, बिपन्न, अल्पसंख्यक समुदायका महिलाहरुका लागि संस्थाले संञ्चालन गरेको यस परियोजनाले पुयण्को काम गरेकोमा धन्यवाद दिनुभएको थियो । कार्यक्रममा बोल्दै गढवा गा.पा. अध्यक्ष यमनारायण शर्मा पोख्रेलले संस्थाले संञ्चालन गरेको परियोजना समग्र पालिकालाई नै मन परेको बताउदै यो परियोजना गढवा गा.पा.मा नै संञ्चालन गरेकोमा ग्रामीण महिला उत्थान केन्द्र र NIVAS संस्थालाई धन्यबाद दिनुभएको थियो ।
परियोजना बाट निक्कै प्रभावित भएकै कारण आफुहरुले आगामी बर्षको निति तथा कार्यक्रममा परियोजना संञ्चालनका लागि कम्तीमा २० वटा सम्म घर बनाउन सक्ने गरी बजेट बिनियोजन गर्ने पनि भनाई राख्नुभएको थियो ।
कार्यक्रममा बोल्दै ३ नम्बर वडाका अध्यक्ष तुल्सीराम अधिकारीले SWFH परियोजना अनुसार सरिता चौधरीको घर निर्माणका लागि छनौटमा परेको बताउदै बास्तबिक आवश्यक्ता कस्लाई छ भन्ने कुरालाई नै आधार मानेर, गाँउ, टोल समिति, वडा हुदै पालिकामा घर निर्माणका लागि सिफारिस गरेको बताउनुभयो ।
कार्यक्रममा बोल्दै वडा नम्बर ५ का अध्यक्ष लेखराज थापाले घर निर्माणका लागि परियोजनाको आफनै मापदण्ड भएकोले पनि समुदालयले मेरो घर किन बनेन भनेर कसैले गुनासो नगरेको बताउदै टोल समिति, गाँउले सबैले जस्लाई घरको अत्ति आवश्यक्ता छ उसैलाई सिफारिस गरेकोमा काम गर्न सहज भएको भनाई राख्नु भएको थियो । परियोजनाकै कारण महिलाहरुले घर मात्रै पाएका छैनन् महिलाहरुको सम्पती माथि पनि पहँुच बढेको साथै आफनो क्षेत्रका ति महिलाहरुलाई आयआर्जन र बालबालिकाको शिक्षामा वडा बाट सक्दो सहयोग गर्ने भनाई राख्नुुभएको थियो ।
कार्यक्रममा बोल्दै संस्थाका अध्यक्ष आसमानी चौधरीले आत्मनिर्भर र सशक्त समाजको सिर्जना गर्ने परिकल्पना अनुरुप स्थापना भएको यस संस्थाले समुदायलाई आत्मनिर्भर र सशक्तीकरण गराउने हेतुले कामहरु गर्दै आएको भनाई राख्नुभएको थियो । गढवा गाँउपालिकामा संञ्चालन भएको SWFH परियोजना बाट पालिका क्षेत्रमा रहेका बिपन्न, सिमान्तकृत समुदायका एकल महिला, १६ बर्ष मुनिका बालबालिकाहरुको सुरक्षित आवासका लागि परियोजनाको लागतमा २ वटा नमुना घर र २ वटा परियोजना, पालिका र स्वयम घरधनीको लागत साझेदारीमा घर निर्माण भएको जानकारी दिनुभएको थियो ।
यसैगरी परियोजनाद्धारा संञ्चालन भएको यस कार्यक्रमलाई पालिकाले पनि सहजताका साथ लिई साझेदारी गरेकोमा अध्यक्ष चौधरीले धन्यबाद दिदै घर निर्माण भएका महिलाहरुलाई आयआर्जनका क्रियाक्लापमा सहभागी गराउने भनाई समेत राख्नुभएको थियो।
